笨蕉

笨蕉係點o既樣？睇睇我果張相就知啦！

明明約o左in份外國公司o既工，竟然為o左一個無關痛癢o既會，搞到要擇日再見，最後仲搞到一鑊泡。

明明自己咁大個人都未坐過長途機，又會sponsor老婆辭工去歐洲，自己仲o係學校備課改功課。

明明今年有第十二個月糧出，點知連錢都唔要，走去貼車錢飯錢教暑假班。

同事話服o左我，因為咁笨o既o野都肯做，名副其實係一隻大笨蕉。

我很笨，但我很開心：起碼有老婆買o既Iron Maiden T-shirt手信，又有舊同事上我屋企陪我玩賤兔，仲有今日同事請我去荃灣食大大舊三文魚刺身，仲有遲o的又有一班徒弟o係電台開咪up三up四。

笨蕉數學唔太叻，只係識一條簡單算式：

（蝕底）/ （笨） = 精

即係乜o野？highlight下面就知。

「除笨有精」呀！

情色版

近來跟一位要好o既同事，就中大學生報情色版事件拗到面都紅。有時覺得都幾無謂，但係諗深一層，我就係鍾意香港有言論自由，有空間俾唔同觀點o既人互相交流論證。

當我o地o既社會，連o係forum貼色情網址都犯法，我仲點敢o係呢度亂up？

我o既立場唔多講，自己click去Uzone睇啦。另外情色版事件o既來龍去脈，獨立媒體有篇好詳盡o既文章，值得一看。

大鑊，我貼呢o的link o既內容，會唔會違反大眾o既道德標準o架？阿Sir，俾次機會o丫！

P.S. 明X社的弟兄姊妹，有人用你同一把尺量《聖經》，問你點收科？

Small old potato

一輪電郵罵戰，令我想起澳門。

事緣負責統籌考試的老師P，送出了下學期的考試時間表及老師監考名單。老師T看過後，電郵要求免疫（沒有明確說明原因），老師P回覆了，請老師T自行與其他老師調更。老師T回覆說，這樣的調動應由統籌老試的老師安排才對，老師P當然不甘示弱，於是電郵來回抽擊，好睇過溫布頓男子單打。

以往的考試，監考調更是很平常的，都是由老師自行解決，再向統籌考試的同事報告調動即可，為何今次出現火拼？老師P在第一個回覆電郵中，語氣有點「悔氣」，就像叫人「唔好麻煩我老人家，你自己搞掂啦！」，老師T自然反擊，之後老師P更以「small old potato」形容自己，就像暗示老師T等新來的同事不尊重資深老師們。

這背後除了是老師P積累多年的悶氣外，更突顯了部門發展的故事。以往部門是工程學系，資深老師都是這個專業出身的，可是在人力市場的轉變下，部門被逼轉型為多媒體，請來的新老師都是這個行業的，舊人反而成了新丁從頭學起，自然不好受。

澳門早前的槍聲，不就是經濟轉型的結果？內地的經濟急劇發展，食品類通脹達7.1%，下輪的槍聲可能在內地響起.....

P.S.最後系主任一個電郵，教我們要識NETiquette，罵戰就此擺平了。除了學了這個生字外，高層讓我見識了轉移視線的高招。

Twinkle Stars

你可曾幻想過自己是天上的一顆星？

穿上華服走在台上，鎂光燈閃過不停，彷彿在銀河星海中漫步，與北斗雙子射手作伴。這樣的經驗著實令人陶醉，難怪型男索女都希望當上演員、模特兒，一嘗給閃星星包圍的滋味。

少年時的夢想是背著結他在台上搖滾，也期盼在咪前發光發熱，可是沒有努力也不夠「吉屎」，十劃最終只寫了半撇。口說沒有當星的野心，實情是不夠耐力登上頂點。

今天當上了老師，老毛病又再出現，今倘離場前又會寫完多少劃？

圖：昨天一個時裝表演中，葉翠翠穿著最後一套衫行catwalk。我和幾位老師和一班同學負責燈光音響及視覺效果。

Wii will rock you

忍不住手，勞動節前夕斥巨資捧了部Wii回家，當作勞動人民慰勞自己的獎勵。假期那天，又打Tennis又打Golf，拿著那體感搖控「fing」了半天，最終收穫除了快感外，也換來雙手酸痛！

Wii are the champion

Wii在次世代遊戲機大戰中大幅抛離其他對手，至今全求已售出超過五百萬台，歐美市場也贏得漂亮。它的勝利在於那創新的操作介面，帶動了Gameplay的突破。手舞足蹈的遊戲方式，連我家姐、老婆等未曾買過電視遊戲的人也想擁有一部，開拓了全新的市場，這是PS3、Xbox 360都做不到的。

不過，Wii最毒之處，就是供不應求。由於銷情暢旺，貨源極為有限，香港自年初起曾多次傳出推出行貨，都一一落空。任天堂曾答應增產，但我相信廠方沒有必要這樣做，供不應求正正是最佳的速銷手法。

理由（續集）

上回提到的老師，工幹回來過後，向另一位老師W表示，有預告同學們取消課堂，並在出發前一星期的課堂加時補課。W老師向同學查證，證實老師真的有預先通知，只是大部份同學都忘了。

有甚麼理由全班百多名同學都忘了？最著緊放學時間的同學們竟忘記給留了堂？耐人尋味...