笨蕉

笨蕉係點o既樣？睇睇我果張相就知啦！

明明約o左in份外國公司o既工，竟然為o左一個無關痛癢o既會，搞到要擇日再見，最後仲搞到一鑊泡。

明明自己咁大個人都未坐過長途機，又會sponsor老婆辭工去歐洲，自己仲o係學校備課改功課。

明明今年有第十二個月糧出，點知連錢都唔要，走去貼車錢飯錢教暑假班。

同事話服o左我，因為咁笨o既o野都肯做，名副其實係一隻大笨蕉。

我很笨，但我很開心：起碼有老婆買o既Iron Maiden T-shirt手信，又有舊同事上我屋企陪我玩賤兔，仲有今日同事請我去荃灣食大大舊三文魚刺身，仲有遲o的又有一班徒弟o係電台開咪up三up四。

笨蕉數學唔太叻，只係識一條簡單算式：

（蝕底）/ （笨） = 精

即係乜o野？highlight下面就知。

「除笨有精」呀！